Conversation opened. 1 unread messa

ಕನ್ನಡಿ ಸುಳ್ಳು ಹೇಳಲು ಶುರುಮಾಡಿದೆ......!

ಕನ್ನಡಿ ಸುಳ್ಳು ಹೇಳಲು ಶುರುಮಾಡಿದೆ ಮೊದಲೆಲ್ಲಾ ಹೀಗಿರಲಿಲ್ಲ, ಹೌದು.. ಮೊದಲೆಲ್ಲಾ ಹೀಗಿರಲಿಲ್ಲ ಇಪ್ಪತ್ನಾಲ್ಕಕ್ಕೆ ನಲವತ್ತರಂತಾಗಿದ್ದೀನಂತೆ ಸಿಕ್ಕ ಎಲ್ಲಾ ಅವಕಾಶಗಳ ಅನವರತ ನುಂಗಿಹಾಕಿದ ಸುಕ್ಕು ಹಿಡಿದ ಚರ್ಮ, ಸ್ಥೂಲ, ಜಿಡ್ಡುಗಟ್ಟಿದ ಮೈಯನ್ನ ಮತ್ತಷ್ಟು ವಿಜೃಂಭಿಸಿ ತೋರಿಸುತ್ತಿದೆ ಕನ್ನಡಿ ಸುಳ್ಳು ಹೇಳಲು ಶುರುಮಾಡಿದೆ ಮೊದಲೆಲ್ಲಾ ಹೀಗಿರಲಿಲ್ಲ, ಹೌದು.. ಮೊದಲೆಲ್ಲಾ ಹೀಗಿರಲಿಲ್ಲ ಹದಿಹರೆಯದಿಂದ ತಾಯ್ತನದವರೆಗೂ ಹೆಣ್ಣೆಂಬ ಗರ್ವ, ಹೆಮ್ಮೆ ಮೂಡಿಸಿದ್ದ  ಸಾರ್ಥಕತೆಯ ಭಾವವನ್ನ  ನಿರರ್ಥಕವೆಂಬಂತೆ ಬಿಂಬಿಸುತಿದೆ ಆ ಹೆಣ್ಣು ನೀನೆಯಾ? ಎಂಬ ಪ್ರಶ್ನೆ  ಮೂಡುವಂತೆ ಮಾಡಿದೆ.. ಕನ್ನಡಿ ಸುಳ್ಳು ಹೇಳಲು ಶುರುಮಾಡಿದೆ ಮೊದಲೆಲ್ಲಾ ಹೀಗಿರಲಿಲ್ಲ, ಹೌದು.. ಮೊದಲೆಲ್ಲಾ ಹೀಗಿರಲಿಲ್ಲ ಲಂಗ ದಾವಣಿ ತೊಟ್ಟು ಹಿರಿ-ಹಿರಿ ಹಿಗ್ಗಿದ್ದ ದೇಹಲ್ಲಾಗುತ್ತಿದ್ದ ಉಬ್ಬು ತಗ್ಗುಗಳ  ಅಂದವನ್ನ ನನ್ನೇ ನಾ ನಾಚುವಂತೆ ಮಾಡಿದ್ದ ಇದೀಗ ಅಂಕುಡೊಂಕಿಲ್ಲದ ಮಾಂಸಪರ್ವತ ಎಂದು ಅಣಕಿಸಲು ಮೊದಲು ಮಾಡಿದೆ.. ಕನ್ನಡಿ ಸುಳ್ಳು ಹೇಳಲು ಶುರುಮಾಡಿದೆ ಮೊದಲೆಲ್ಲಾ ಹೀಗಿರಲಿಲ್ಲ, ಹೌದು.. ಮೊದಲೆಲ್ಲಾ ಹೀಗಿರಲಿಲ್ಲ ಪ್ರತಿ ಉಡುಪಿಗೂ, ಒನಪು ವಯ್ಯಾರಕ್ಕೂ ನಿನ್ನಂದ ಚೆಂದವೇ ಕಾರಣ ಎನ್ನುತ್ತಿದ್ದ ಕನ್ನಡಿ ಹೀಗೀಗಾ ಚೆಂದವೇ ಇಲ್ಲದಂತೆ ತೋರುತಿದೆ ಕನ್ನಡಿ ಸುಳ್ಳು ಹೇಳಲು ಶುರುಮಾಡಿದೆ ಮೊದಲೆಲ್ಲಾ ಹೀಗಿರಲಿಲ್ಲ, ಹೌದು.. ಮೊದಲೆಲ್ಲಾ ಹೀಗಿರಲೇ ಇಲ್ಲ..; -ಭಾಚಿ

Displaying photo.JPG.

ಕಾಪಿಟ್ಟ ನಿರೀಕ್ಷೆಯಲ್ಲಿ......

ಕವಿತೆಯ ಹಾಗೇ ದಿನ ದಿನವೂ
ನಿತ್ಯ ನೂತನವಾಗಿ ನಿನ್ನ
ಸನಿಹದಲ್ಲೇ ಮೊಗ್ಗಾಗಿ ಹೂವಾಗಿ
ಅರಳಬೇಕೆಂದುಕೊಂಡಿದ್ದೆ
ನಿನ್ನ ತೋಳಲ್ಲಿ ಬಾಹ್ಯ ಪರಪಂಚದ
ಹಮ್ಮು ಗಿಮ್ಮಿಲ್ಲದೆ ಕಳೆದುಹೋಗೊಣವೆಂದಿದ್ದೆ
ನಾಚಿ ನೀರಾಗಿ ನಿನ್ನೊಡಲ ಸೇರಬೇಕೆಂದಿದ್ದೆ

ನಿನ್ನ ಅರೆಕ್ಷಣವಾದರರೂ
ಸೇರುವ ಕುಂಟುನೆಪಕ್ಕಾಗಿ
ಜಗತ್ತಿಗೆ ನನ್ನೆಲ್ಲಾ ಮೇಟಿವಿದ್ಯೆ
ಬಳಸಿ ಜೋಗುಳ ಹಾಡಿ
ಮಲಗಿಸಿದ್ದೆ , ಪರಪಂಚವು
ನನ್ನ ಮೇಲಿನ ಪ್ರೀತಿಯಿಂದಲೇ
ನಿದ್ರೆ ಬಾರದಿದ್ದರೂ ನಿದ್ರಿಸಿದಂತೆ
ನಟಿಸಿತ್ತು.., ನಾ ನಿನ್ನ ಸೇರಲೆಂಬ
ಒತ್ತಾಸೆಯಲ್ಲದಿದ್ದರೂ ನನ್ನ
'ಖುಷಿ' ನೋಡುವ ಹಂಬಲದಲ್ಲಿ

ಆಸ್ಥೆಯಿಂದಲೇ ಕಾಯುತ್ತಿದ್ದ
ಮನದ ಮಿಡಿತ-ತುಡಿತಗಳನ್ನ
ನಿನಗಾಗಿಯೇ ಬೇರೆಡೆ
ಕದಲದಂತೆ ಕಾಪಿಟ್ಟಿದ್ದೆ
ಬಂಧನಕ್ಕೀಡು ಮಾಡಿದ್ದೆ
ಸೆರೆವಾಸದ ಸಜಾ ಎಷ್ಟೆಂಬುದರ
ಎಣಿಕೆ ತಿಳಿಸದೆಯೇ..,

ಬದುಕೇ ತಿರಸ್ಕರಿಸಿದ್ದ
ನತದೃಷ್ಟ ಹೆಣ್ಣನ್ನು
ನೀ ಅಪ್ಪಿ ಆರಾಧಿಸುತ್ತಿಯೆಂದು
ಈ ಕ್ಷಣದವರೆಗೂ ನಂಬಿದ್ದೆ
ಕಷ್ಟವಾದರೂ ಬದುಕ ಬದುಕುವಂತೆ
ಮುದ್ದಿಸಿ, ಒಂದಷ್ಟು ಉಸಿರ ನೀಡಿ
ಜೀವಿಸಲು ಕಿವಿಮಾತು ಹೇಳಿದ್ದೆ

ಹೀಗೆ ಬದುಕಿನ ಇರುವಿಕೆಯನ್ನೇ
ಮರೆಸಿ ನಡುರಾತ್ರಿ ಕಂಡ ಕನಸು
ಬೆಳಗಾದಾಗ ನಿನ್ನ ತಡಕಾಡಿದ್ದೆ
ಬಂತು ಮಗ್ಗುಲಲ್ಲಿ ಆ ಕಲ್ಪನೆಯ
ನೀನಿಲ್ಲವೆಂಬ ಅರಿವಾಗುತ್ತಲೇ
ಬದುಕನ್ನೇ ಶಾಶ್ವತ ಮರೆತುಬಿಡೋಣ
ಎನ್ನುವ ಧಾವಂತ.., ಮತ್ತೆ
ನಿನ್ನ ಸೇರುವ ಹಂಬಲದ
ಆ ಮತ್ತೊಂದು ರಾತ್ರಿಯ
ಹಪಹಪಿಕೆಯಲ್ಲೇದಿನದೂಡುವ
ಕಾಯಕ.. ಮತ್ತೆ ಮುಂದುವರೆಸುತ್ತಾ...

-ಭಾಚಿ